摘一片夕陽貼踮普陀寺的飛簷四分之一世紀進前的記憶之盒齊光起來觀世音菩薩慈眉釣起塵封的往事擱底的童年開始輕輕仔咧划船風吹過十二月的甘蔗園我的童年曝佇蔗葉 曝佇牛車 曝佇火車風吹過九月的稻埕我的鄉愁鑲黃金 鑲南風 鑲日頭假使童年會當慢慢仔哺一定是甜甜芳芳我咬過的西瓜猶倒佇溪埔咧睏我划過的竹棑仔猶佇曾文溪等我出帆我的跤跡一直晾佇蘆筍園毋甘轉來聽講大箍福仔咧做大頭家矮仔勝咧起大樓愛哭英仔咧做幼稚園的園長故鄉是一矸用鄉愁寬寬仔激出來的酒逐喙都予你醉茫茫#飛閱文學地景 #思念故鄉_海寮 #方耀乾 #台南安定 #海寮==============================================《本節目所拍攝文學地景,係考量作品意境進行選擇,拍攝地點不限作品內容本身,必要時輔以其他文學地景進行輔助拍攝》按讚並分享,同時到《飛閱文學地景FB》 看更多文學地景故事👉https://reurl.cc/zZzZLp